في مثل عندنا بيقول "العِرْق يمد لسابع جد" ... و الحقيقة ده ثبت صحته علميا، طيب اذا كان المتوارث من هؤلاء الاجداد صفة مرهقة لحاملها و يستمر تمريرها من جيل لجيل كيف يمكن ان نتخلص منها ؟! 
الحقيقة انا نفسي مررت بذلك .. كانت المشكلة عندي هي "الخوف".. من حاجات كتيرة جدا و اكتشفت ان ٧٥٪ مما اخافه انما هو متوارث من والدتي. جدتي. الخ .. و الحقيقة الاهم ان اللي ساعدني علي تلك المعرفة و التخلص من تلك الصفة هي "ابنتي "...
الاطفال بصفة عامة و اذا لم يخضعوا لاي نوع من الترهيب ليس لديهم اي خوف من اي شئ علشان عقلهم لم يتلق التحذير و عليه ممكن تجد طفل نايم في أمان الله علي سور البلكونة عادي جدا و علي فكرة مش ممكن يقع ابدا.. و ابنتي و هي طفلة كانت زيها زي كل الاطفال مفيش خوف من حاجة و ده جميل جدا طبعا .. 
انا بقى كنت باخاف من السلالم المتحركة و من الارتفاعات و من الصراصير -طبعا كأي واحدة 🙂 - و من البرص و من حاجات كتيرة جدا ... كنت لما ادخل مكان لا استخدم السلالم المتحركة ابدا حتى ان زملائي كان بيضحكوا لما استخدم السلم العادي في اي مطار و هم بيستخدموا السلم المتحرك.. 
اما ابنتي فكانت تنطلق لاستخدام السلالم المتحركة بكل اتجاهاتها صعودا و هبوطا و بالعكس و انا اتفرج ... في اللحظة دي انكشف لي موضوع الخوف و اللي لازم اسيطر عليه مش علشاني لكن الاهم علشان بنتي حبيبتي الجميلة 
هنا انتبهت الي اني لا احمل الخوف الخاص بي فقط بل احمل ايضا خوف امي و جدتي و اللي قبلهم كمان علشان الصفات ايا كانت تنتقل و نسبتها في المتلقي من الجيل بحسب قدرته لأن في منهم مش بيخاف مثلا. .. يعني شايلة شيلة تقيلة قوي 
ابتديت استخدم السلالم المتحركة و كنت اقول لزوجي اللي هو عارف رعبي الشديد ان يمسك بيدي حتى اضع قدمي علي السلم المتحرك .. كنت كمان احاول الا يظهر علي وجهي اي تعبير عن الخوف خاصة و انها كانت تنطلق مطالبة مني مشاركتها فرحتها " يالا يا مامي "  🙂 ... مامي مين يا بنتي ده انا قلبي وقع مني.. و لما كنا نروح الملاهي كانت تصر علي ركوب الالعاب ذات الارتفاعات و ده كان بيجيب قلبي الأرض لمّا استخدم اي لعبة من دول بس علشان خاطرها كله يهون و مش عاوزة اقول لكم الرعب اللي كان مسيطر علي كل ذرة فيا ..
في النهاية و بإيقاظ العقل و التدريب علي عملية الايقاظ دي تم القضاء علي كل الخوف ده مش فاضل غير البرص 🙂 صراحة هو ده اللي هي ورثته مني و ده اللي مش قدرت اتخلص منه و هي صغيرة .. لكن دلوقت بدات اعرف عدوي اللي هو البرص علشان اتعامل معاه من غير مساعدة حد 🙂
و الحقيقة كمان الحب عامل مساعد كبير جدا في الموضوع ده .. 
الواحد بيتغير علشان اولا هو عاوز يتغير .. ثانيا علشان يليق بمن يحب .. ثالثا علشان يكون قدوة صالحة لمن يحب .. اخيرا علشان يستمتع بالحياة اللي هي جميلة جداااااا بس في حاجات كتيره تحول دون هذا الاستمتاع لكن لو انتبهنا لها نحيا  
الكلام ده كله متعلق بالصورة المرفقة بالبوست اللي بتقول انك لما تتعافى من شئ موروث هذا التعافي يمتد للراحلين من عالمنا .. هم مش قدروا أو مش كانوا عارفين ازاي يتخلصوا من الصفة دي و اللي كانت فعلا مرهقة لهم و ايا كان سبب عدم قدرتهم علي التخلص إلا ان الصفة دي لما توصل لجيل و هذا الجيل يتخلص منها بتقف لحد عنده و لا تستمر في الانتقال عبر أجيال أخرى .. ده غير ان الناس اللي رحلت بيتخلصوا هم كمان من الصفة دي... بس هناك حيث يقيمون.. و الله اعلم

💖

          توتة
Love you my heart &Thank you
😘😘😘😘😘😘😘
لأنك تستحقين الأفضل دائما 
Nancy Abdel-Moneim 


تعليقات

إرسال تعليق

المشاركات الشائعة من هذه المدونة

صورة
في العلاقات العاطفية بين البشر هناك إشارات يتم ارسالها دون وعي من اطرافها او بالاصح عدم ملاحظاتهم لتلك الإشارات المتمثلة في تصرفات طرفي العلاقة .. يحدث ان يختلط الأمر على احد أطرافها فيظن انه امتلك الطرف الآخر الذي تدل تصرفاته على شدة حبه و تمسكه بالعلاقة و محاولة المحافظة عليها و عليه فهو له كامل الحق في التصرف في مشاعر هذا المُدَله في حبه و اللعب بها و الاستمتاع بعملية الدفع و الجذب .. و الحقيقة ان الاحتمال له ذروة و زي الست ما غنت للصبر حدود   و عليه يأتي الوقت الذي يرفع هذا المُدَله في الحب يده قائلا  سلام … الموضوع انتهى يحدث ان يتصرف طرف بكل صدق و وضوح فيظن الطرف الآخر ان هذا ضعف و قلة حيلة و ان هذا الوضوح و الصدق هو شأن صاحبهم .. يعني انت اللي بتتصرف كده و انا مختلف عنك و عليه تتحمل نتيجة هذا التصرف.. و الحقيقة انه فعلا كل واحد بيتحمل نتيجة تصرفه و يحصد ما زرع و لكن احيانا بتكون الزراعة في ارض صخرية يحاول اصلاحها فيفشل.. و هنا يأتي الوقت الذي يكتشف فيه هذا الصادق  ان كل محاولاته ذهبت أدراج الرياح فيرفع يده  سلام  ... الموضوع انتهى و يحدث ان تكون العل...
قراءة المزيد
صورة
دَعْ كلَّ قلبٍ في الحياةِ على هواهْ فلكلِّ قلبٍ في الحياةِ حَياةْ والعشقُ بالنيَّاتِ يأتي إن أتَى ولكلِّ قلبٍ في الهوى ما قد نَواهْ مهما بَكينا في الهوى مِن جُرحِنا مهما تَمادتْ في القلوبِ الآهْ سنظلُّ دومًا أوفياءَ لجُرحِنا إن الجراحَ مساجدٌ للهْ فيها المناسكُ للقُساةِ قلوبُهم حتى تَحِنَّ وفي الحنينِ صلاةْ شقَّتْ دُموعي فجأةً وقتَ التضجُّرِ بَسمةٌ فسألتُهم : مَن شقَّها؟ مَن شقَّني في الحبِّ ؟ يا حُبَّاهْ ! ضَحِكَتْ وقالتْ بعدَها : لا تَبتئسْ "موسى" وألقَى في الدموعِ عصاهْ أنا دعوتي للهِ كانتْ صادقةْ يا ربَّنا قد مسَّني شوقٌ على شوقٍ فزدْني في الهوى شوقًا لها حتى نَذوقَ من الجوى ضِعفَ الذي ذُقْناهْ واغفرْ لقلبي في الهوى ما قد تقدَّمَ أو تأخرَ واهدِني واصدُقْ لقلبي في الهوى رُؤياهْ قولوا لمن مِني اشترتْهُ في الحياةِ بِحُبِّها القلبُ عندَكِ فاكرمي مثواهْ ولتعلمي إن كانَ ذنبي في الحياةِ بأسرِها حبي لكِ .. فاللهُ يعلمُ أنهُ ذنبٌ وحيدٌ ما ارتكبْتُ سِواهْ #عبدالعزيز_جويدة painting by: Nathalie Mulero Fougeras - French
قراءة المزيد
صورة
  "يا ترى اللي بيعيش الزمن إحنا ولاّ الزمن هو اللي بيعيشنا" سيد حجاب   رؤيتي هي ان احنا بنعيش زمن ما و بعد ان ينقضى هذا الزمن يعيش هو فينا  اي دقايق جميلة شعرنا فيها بالحياة.. اي لحظات سعيدة احسسنا فيها بالفرحة.. اي ثواني تنسمت فيها عيوننا رؤية احبابنا .. الوقت ده هو الزمن اللي إحنا بنعيشه ..  لما نتذكر هذه الاوقات الحلوة و الايام الهنية.. الوقت ده بيكون الزمن هو اللي بيعيشنا ..  الذكرى هي الزمن اللي عايش فينا         توتة
قراءة المزيد