زمان واحنا صغيرين كانت المناسبات الدينية بالنسبة لنا فرحةكبيرة

ليه فرحة؟!!
علشان كنا بنحتفل بها و مش تعدي كده من غير احتفال يليق بها و يتناسب مع مكانتها ..مش قصدي من المناسبات دي الاعياد... لا خالص 
قصدي ايام جميلة رزقنا بها الله لنتذكره علي مدار العام و نقر بكرمه علينا و بما منحه لنا من أرزاق ..عشوراء ... مولد النبي.. ليلة الاسراء و المعراج ....ليلة النصف من شعبان و ليلة القدر في رمضان. 
المناسبات دي كان الاحتفال بها في بيتنا جميل كنا نطلق على ما نقدمه لأنفسنا و للناس كلمة "وِسْعَة " من الوَسَع... نوَسَّع علي الناس زي ربنا ما وَسَّع علينا ربنا يوسَّع علينا و عليكم و يرزقكم من خيراته التي لا تنتهي ابدا...  
قولوا آمين 
الوِسْعَة دي لازم نقدم فيها طبيخ باللحمة.. و اللحمة امر ضروري و هام و الا ما كانت وِسْعة ... 
نقدم الاكل للناس المحتاجة و نتشارك مع الغير محتاجين في طبق يعني ندوق من اللي بنقدمه للناس علشان احنا مش احسن منهم و لا بنقدم لهم شئ مخالف لما نأكل منه .. 
و مش احنا بس اللي كنا بنعمل كده لا ناس كتيره و كل واحد و مقدرته حتى لو وَسَّع علي نفسه و عيلته بس في ليلة مباركة زي الليالي دي.
ايام كان فيها البركة بجد لان الناس كانت فعلا بتعمل الخير من قلبها...
كنت احس فرح في البيوت و كأن في كل بيت عروسة هتتجوز او عريس هيتزف.. 
الناس كانت بتطلب ربنا بجد و مش بتحاسبه و تقول انا عملت فين العشرة امثال !!!
البركة راحت لما بقينا نقول لربنا احنا عملنا و نعد و نحسب اعملنا اللي هناخد عليها اجر ..
الخير مش بقى لله بقى لانفسنا .. علشان كده البركة مشيت و رحلت و هي مش زعلانة انها سابت ناس مش حاسين بقيمتها الا ما رحم ربي
ربنا يكرمنا جميعا و يوسع علينا و يمنحنا من ارزاقه ما يليق به و نستحقه 
و كل عام و انتم بخير و طيبين و مرتاحين البال مسرورين و يكرمنا و يكرمكم رب العالمين  
💖

تعليقات

إرسال تعليق

المشاركات الشائعة من هذه المدونة

صورة
في العلاقات العاطفية بين البشر هناك إشارات يتم ارسالها دون وعي من اطرافها او بالاصح عدم ملاحظاتهم لتلك الإشارات المتمثلة في تصرفات طرفي العلاقة .. يحدث ان يختلط الأمر على احد أطرافها فيظن انه امتلك الطرف الآخر الذي تدل تصرفاته على شدة حبه و تمسكه بالعلاقة و محاولة المحافظة عليها و عليه فهو له كامل الحق في التصرف في مشاعر هذا المُدَله في حبه و اللعب بها و الاستمتاع بعملية الدفع و الجذب .. و الحقيقة ان الاحتمال له ذروة و زي الست ما غنت للصبر حدود   و عليه يأتي الوقت الذي يرفع هذا المُدَله في الحب يده قائلا  سلام … الموضوع انتهى يحدث ان يتصرف طرف بكل صدق و وضوح فيظن الطرف الآخر ان هذا ضعف و قلة حيلة و ان هذا الوضوح و الصدق هو شأن صاحبهم .. يعني انت اللي بتتصرف كده و انا مختلف عنك و عليه تتحمل نتيجة هذا التصرف.. و الحقيقة انه فعلا كل واحد بيتحمل نتيجة تصرفه و يحصد ما زرع و لكن احيانا بتكون الزراعة في ارض صخرية يحاول اصلاحها فيفشل.. و هنا يأتي الوقت الذي يكتشف فيه هذا الصادق  ان كل محاولاته ذهبت أدراج الرياح فيرفع يده  سلام  ... الموضوع انتهى و يحدث ان تكون العل...
قراءة المزيد
صورة
دَعْ كلَّ قلبٍ في الحياةِ على هواهْ فلكلِّ قلبٍ في الحياةِ حَياةْ والعشقُ بالنيَّاتِ يأتي إن أتَى ولكلِّ قلبٍ في الهوى ما قد نَواهْ مهما بَكينا في الهوى مِن جُرحِنا مهما تَمادتْ في القلوبِ الآهْ سنظلُّ دومًا أوفياءَ لجُرحِنا إن الجراحَ مساجدٌ للهْ فيها المناسكُ للقُساةِ قلوبُهم حتى تَحِنَّ وفي الحنينِ صلاةْ شقَّتْ دُموعي فجأةً وقتَ التضجُّرِ بَسمةٌ فسألتُهم : مَن شقَّها؟ مَن شقَّني في الحبِّ ؟ يا حُبَّاهْ ! ضَحِكَتْ وقالتْ بعدَها : لا تَبتئسْ "موسى" وألقَى في الدموعِ عصاهْ أنا دعوتي للهِ كانتْ صادقةْ يا ربَّنا قد مسَّني شوقٌ على شوقٍ فزدْني في الهوى شوقًا لها حتى نَذوقَ من الجوى ضِعفَ الذي ذُقْناهْ واغفرْ لقلبي في الهوى ما قد تقدَّمَ أو تأخرَ واهدِني واصدُقْ لقلبي في الهوى رُؤياهْ قولوا لمن مِني اشترتْهُ في الحياةِ بِحُبِّها القلبُ عندَكِ فاكرمي مثواهْ ولتعلمي إن كانَ ذنبي في الحياةِ بأسرِها حبي لكِ .. فاللهُ يعلمُ أنهُ ذنبٌ وحيدٌ ما ارتكبْتُ سِواهْ #عبدالعزيز_جويدة painting by: Nathalie Mulero Fougeras - French
قراءة المزيد
صورة
  "يا ترى اللي بيعيش الزمن إحنا ولاّ الزمن هو اللي بيعيشنا" سيد حجاب   رؤيتي هي ان احنا بنعيش زمن ما و بعد ان ينقضى هذا الزمن يعيش هو فينا  اي دقايق جميلة شعرنا فيها بالحياة.. اي لحظات سعيدة احسسنا فيها بالفرحة.. اي ثواني تنسمت فيها عيوننا رؤية احبابنا .. الوقت ده هو الزمن اللي إحنا بنعيشه ..  لما نتذكر هذه الاوقات الحلوة و الايام الهنية.. الوقت ده بيكون الزمن هو اللي بيعيشنا ..  الذكرى هي الزمن اللي عايش فينا         توتة
قراءة المزيد